بصراحه انت انت فتحي موضوع جريئ
وانا واحد من المغفلين دول
من البدايه انا كنت معنديش فكره عن المواقع
واخري كنت اعمل غرفه في السكاي بي
واتعرفت علي واحد
سخن الفكرة في دماغي
ومن خلال التخبيط علي النت حجزت مساحه مجانيه كده باستهبال
المهم عرف وقالي دي مساحه يترفع عليها
منتدي
المهم المساحه كانت 1 جيجا
وهو رفعلي المنتدي مافيش تلت ساعه
وانا الحماسة اخدتني
وفرحت بقيت ادمن بقي
اللي جاي بعد كده ان المنتدي البريد مكانش شغال فيه فانا اتضيقت من الموضوع ده
فعرض عليا يبيعلي موقع
بنفس المساحه بالف جنيه سنويا
وطبعا وافقت لان الموقع اللي اداهولي كان خرافه بالنسبالي بكل المقاييس
واتقابلنا في في ميدان الجيزه لقيته عيل
مايعديش 19 سنه
وده مش موضوعنا
المهم الموقع اشتغل تمام
شهرين واكتسب اعضاء
وانا سافرت اسوان شغل ومافيش شهر لقيت الاعضاء بيقولولي ان المنتدي مش موجود
وطبعا مقدرش اسيب شغلي ولما رجعت لا لاقيت موقع ولا دوماين ولا الهوي
ولا رقم تليفونه
ولا ايميله
ولما دخلت لاول مره لوحه السي بانيل
اكتشفت ان موقعي المجاني بيشغل 128 ميجا
وانه له 3 روابط
الطفل المعجزه كان بايع مساحتي المجاني ورافع عليها منتديات لناس تانيه
ونسخ اعلي من اللي ركبهالي
بصراحه من الغيظ انا اللي فرمت المنتدي ودلت كل ملفاته
وبصراحه اكتر فقدت الثقه في كل اللي بيتعاملوا
في المجال ده
بس استفدت اني
مش لازم ابقي حمار
واتولد جوايا اصرار اني لازم اتعلم واعتمد علي نفسي
انا بتعب في الفلوس وبترمي في الجبال بالتلات اربع شهور
واحيانا كتير برجع مستلف حق تذكره القطر
اللي بينصب ده بيستسهل لكن مايعرفش ان
ربنا مش بيهمل
واكيد غلطه منه في مره هتلاقيه يقع في شر اعمالة
اسف للاطالة
لكني دليل حقيقي علي كلامك
وصدقني لما هديت انا اعتذرت لاصحاب المنتديات التانيه
اللي كانوا علي مساحتي المجانيه
واديتهم فلوسهم لاني كنت السبب في خسارتهم
جايز يكون هبل مني
لكن
الانسان وبيئته