السلام عليكم و رحمة الله و بركاته
قصة أسردها بإختصار لأرى رأيكم !!!
كنا في قاعة الدراسة أثناء محاضرة اللغة الإنجليزية و كنا مقسمين إلى مجموعات و أثناء المحاضرة إحدى البنات ماسكة تلفونها و تأشر لواحد من الطلاب و هذاك الطالب بدوره شغل البلوتوث و مسوي إسمه ورقمه و ظهر عند البنت .
بدأ أول إتصال في الليل و تعارفوا و تفاهموا وإستمروا كم يوم على هذه الحالة يتبادلوا الاتصالات و يحكيوا مشاعر بعضهم و كل واحد يشكي للثاني ....الخ .
البنت المسكينة على نياتها (أنا أعتبرها غبية و حمقاء) تحسبه حبها وأنه يكلمها عشان المستقبل !!! حتى إنها خبرت أحد أهلها . و طبعا هي معجبة بهذاك الشاب الوسيم...
أما هذاك الشاب ما كأنه شي و ما هامنه شي و يخبر ربعه و يفتخر إنه متعرف على بنت و جالس يخطط من وين يجيب سيارة عشان يلقى فرصة يطلع مع البنت و طبعا يقدر يخدعها بكل سهووولة !!!
في يوم من الايام البنت صارحته و قالته إنها تحبه و إنها مخبره أمها طبعا إستغرب هذا الطالب و قال هذي بتسويلي بلاوي ....
في اليوم اللي بعدها جاء عندي و خبرني بالسالفة و سألني ايش الحل ؟؟
أنا اول شي قلتله على سبيل المزاح ليش ما تتزوجها تراها تريدك ؟؟
درد عليي و قال : آخر زماني أنا أتزوج وحدة من التلفون !!!!!!!!!!!!!!!!!!
طبعا السالفة ما مخلصة لكن بأكتفي لين هذا الحد.....
اخواني الأعزاء ايش رايكم في هذي القصة؟؟؟
وايش استفدتوا؟؟؟؟
البنت اللي تتنازل عن الحياء و عن شرفها و تكلم شخص غريب!! أريد أعرف في ايش تفكر؟؟؟
و الشاب ليش يرضى فغيره و ما يرضى فنفسه؟؟؟؟؟!!!!!!!!!!!!!!
سمعوا مرة ثااانية أيش قال الشاب اللي كااانت واثقة فيه و حابتنه ( آآآآآخر زماني أنا أتزوج وحدة من التلفون)
المشكلة إني أحصل بنت ذكية شاطرة و جميلة و ما شاء الله عليها لكن توقع نفسها في هذي الأخطاء السخيفة اللي تندم عليها طووووووول حياتها...
ترا الكلام العسل و الجميل أي شخص يقدر يقوله و في ناس متخصصين!!!
و آخر شي أريد أسأل سؤال ::
ليش البنت إذا حد نصحها أو شافها مثلا مطلعه شعرها ترد عليه و تقول أنــا واااثقة من نفسي؟؟؟؟؟
يعني يوم القيامة بتقول أنا واثقة من نفسي !!!!!!!