قرار بتحجيم الدونلود فى مصر

تقرر بكل شركات الأنترنت فى مصر تحجيم وتحديد الدونلود على النحو الموضح

وبمجرد أنتهاء الكميه المسموحه للأشتراكك ينخفض الى 128 مهما كان أشتراكك
مايعنى أنه بتطبيق هذا القرار لم يعد بمصر أشتركات أنترنت غير محدود
وبشكل لايمكن أن يكفى المستخدم العادى أو الفرد الواحد فما بالك بمقاهى الأنترنت أو الشبكات التى تقوم
على مجموعه من الشباب ؟؟!!
الحقيقه أن هذا القرار يعد من أقذر القرارات الغير مدروسه والتى يتم أتخاذها بمصر من حين الى أخر والتى دائمآ تصب فى مصلحة شخص واحد أو جهه واحده وضد مصلحة الشعب بأكمله بل وضد مصلحة الدوله العليا فلايمكن بحال أن تستمر مقاهى الأنترنت فى العمل مع هذا القرار ولا يمكن بحال أن تستمر شبكات الأنترنت القائمه على مجموعه من الشباب إذا أنها لاتكفى متطلبات الفرد الواحد

تأثير هذا القرار على مستخدمى الأنترنت فى مصر
أغلاق معظم مقاهى الأنترنت فى مصر و تفكيك شبكات الأنترنت التى تقام على مجموعه من الشباب
 
تأثير هذا القرار على المواقع والأعضاء والزوار المواقع
ركود نتيجة عدم أتاحة الفرصه لمشرفين المواقع والأعضاء النشطين لرفع ملفات البرامج وغيرها لصالح المواقع والأعضاء والزوار

تأثير هذا القرار على شركات الأنترنت
1 - خساره فادحه نتيجة أستغناء القاعده الكبيره لمستخدمى الأنترنت من خدمات الأنترنت.
فالقاعدة الكبيره من مستخدمى الأنترنت هى الشبكات التى تقام بين الشباب ولايمكن لشاب بمفرده أن يتحمل أشتراك خدمة الأنترنت وحده وحتى ولو حدث ذلك مع نسبه بسيطه فلن تكون السعه التى تم تحديدها للدونلود كافيه لأحتياجاته الشخصيه مثل التصفح والشات والمشاهده الأفلام عبر الأنترنت أو الدونلود بأنواعه

ثأثير هذا القرار على سلوك الشباب [/COLOR]
لجوء الكثير من الشباب الذى كان يكتفى بالأنترنت لقضاء أوقات الفراغ الى طرق أخرى لقضاء أوقات فراغه وغالبآ ستكون غير مقبوله.

ماهى الخطوات الفوريه التى يجب أتخاذها لتوقيف هذا القرار
1 - يوجد حمله معلنه من أغلب مستخدمى الأنترنت فى مصر
تتضمن أن يقوم كل مستخدمى الأنترنت بألغاء أشتراكات النترنت يوم 10/8/2009
والواجب عليك أن تكون أيجابيآ على الأقل أتصل الأن بخدمة عملاء شركتك وبلغهم أنه فى حالة عدم التراجع عن هذا القرار فإنك ستقوم بإلغاء الخدمه
رقم خدمة العملاء شركة تى داتا 19777
رقم خدمة العملاء شركة لينك 16333
وتسجيل أعتتراضك على هذا القرار
عملاء شركة لينك يمكنهم تسجيل الأعتراض على على الرابط التالى
https://www.linkdsl.com/LinkDSL_Code/Pages/Support/feedbackform.aspx
بعد الدخول الى الصفحه أكتب بياناتك وأختار قسم الحسابات
وهذه صيغه مقترحه لرسالة الأعتراض

تسجيل أعتراض على تطبيق سياسة الأستخدام العادل على أشتراكتنا حيث أن أصل التعاقد هو غير محدد وأن لم يتم التراجع عن هذا القرار سنتخذ كافة الأجراءات لألغاء أشتراكتنا.
ونعلم أن هذا القرار مطبق على جميع الشركات وأن مصدر القرار هو جهاز تنظيم الأتصالات الذى لايعلم أى شىء عن الأتصالات وربما تم أتخاذ هذا القرار بإيعاذ من شركات مزودى خدمات الأنترنت وعلى أى حال فهذا القرار الخاطىء لن يصب بأى حال فى مصلحة شركات الأنترنت حيث أن معظم دافعى الأشتركات هم شباب قاموا بأنشاء شبكات وتقسيم مبلغ الأشتراك على المجموعه المشتركه وهذا القرار يفكك هذه الشبكات وهى القاعده الكبيره.
وأن محاربتهم وتفكيكهم سوف تؤدى الى أفلاس الشركات المزوده للأنترنت حتمآ
لذلك يجب أن تتضامن معنا شركات الأنترنت فى محاربة هذا القرار وألغاؤه حفاظآ على المصلحيه الجماعيه للشركات ومشتركيهم

2 - الأتصال برقم جهاز تنظيم الأتصالات برقم 155
وتسجيل أعتراضك على قرار تحجيم وتحديد الدونلود
أو يمكنك أرسال أعتراضك على البريد التالى
cccomplaints@tra.gov.eg

الأرسال لبرنامج 90 دقيقه (قناة المحور ) بالرابط التالى
https://www.elmehwar.tv/Contact/default.asp

4 - أصحاب المواقع يجب عليك وضع بنر الأعتراض على مواقعهم
أضغط هنا لسحب كود البنر

سنتابعك معكم ونوافيكم بأى جديد فى هذا الموضوع مع فتح وأيجاد قنوات جديده للأعتراض

تم نشر البنر على كافة المواقع المجانيه على شركة جلاكسو ونرجوا من أصحاب المواقع المدفوعه سواء على شركة جلاكسو أو خارجها أن يتفاعلوا مع هذا الموضوع بإيجابيه شديده فإن لم يتم ألغاء هذا القرار فستكون الخساره فادحه على أصحاب المواقع وعلى الأعضاء فلن يتمكن مشرفى المواقع والأعضاء النشطين من رفع أى جديد لخدمة المواقع أو أعضاؤها

بعض الحلول المقترحه الواجب أتخاذها عندما يحين دفع الشهرى الأشتراكك
1 - عمل ألغاء لخدمة الأنترنت
2 - عمل أيقاف مؤقت للخط لمدة شهر أو شهرين مع عدم دفع الأشتراك الشهرى ويمكنك أعادة تشغيله بعد المده التى حددتها
3 - حيث أن الكميه أصبحت تحارب الدونلود والشبكات بين الشباب وطالما أن الدونلود سيكون شبه ممنوع بين الشباب على الشبكه فلا فرق أن تخفض أشتراكك الى الأشتراك المحدود بـ 45 جنيه وسيكفى أحتياجات الشباب على الشبكه من من التصفح والشات المهم أن تخفض أشتراكك الى أقل مايمكنك بحيث تسبب فرق خساره أكبر مايكون للشركه


ندرس الموضوع بجديه وسنوافيكم بأى جديد

بقالى كذا يوم مدخلتش النت ولما ادخل الاقى الخبر الهباب ده الله يلعن شركات الانترنت الحراميه النصابين واسف على الاسلوب بس حاجه تطهههق يناسبنى الحل رقم 4 هنزل سرعة الاشتراك من 2 ميجا ل 512 يبقى انا لوحدى خسرتهم 150 جنيه

حلو موضوع البيض يلا نخلى النت يمشش هههههههه هو الحل رقم 4 ويمن اوقفه مؤقت مع دخول رمضان كل سنه وانتم طيبن الحكومه بتدينا العديه قبل معادها عايزين ينكدوا علينا ننكد احنا عليهم

لا للقرارات الفاشلة

 
ياريت نقلد الاجانب فى الصح

شكرا يا باشمهندس وليد
ونأمل ان جميع المصريين يتكاتفو لالغاء هذا القرار
 
تم نشر الخبر ليزداد تعاون الاعضاء
 
تقبل مروري و تحياتي
 
احمد

أشكر كل من تفاعل بإيجابيه وكل من قام بالتعليق على الموضوع أشكر كل عضو بأسمه

القرار ده يتبع قائمة القرارات الفاشله والغير مدروسه وموطنها الأصلى مصر
أولآ : قرار مخالف قانونآ للتعاقد بين الشركات والمشتركين المتعاقدين على أشتراكات غير محدود
ثانيآ : لايصب فى صالح الشركات بل سيدمرها لأن القاعده الكبيره من المشتركين هم الشباب اللى بيعملوا شبكات وبيجمعوا من بعض ثمن الأشتراك فإذا فككتوا الشبكات هتخسر الشركات خساره فادحه نتيجة خروج القاعده الكبيره المموله وبالطبع لن يكون فى مقدور كل شاب أن يشترك فى الأنترنت بشكل فردى لأسباب منها الماديه وكمان لايمكن هيكون كل شاب يملك خط تليفون حتى يشترك عليه
ثالثآ : الشبكات لايمكن أن تؤثر فى الخدمه ولا فى كفاءة الأنترنت بأى حال من الأحوال حيث لأنه اذا كان على الأشتراك شخص واحد بجهاز واحد أو مجموعة أشخاص بمجموعه أجهزه فى النهايه لن يتعدوا أستهلاك السعه المتعاقد عليها مهما فعلوا فمثلآ اذا مجموعة شباب متعاقدين على واحد ميجا وقاموا كلهم بعمل دونلود طول اليوم فهل سيتعدى أشتراكهم عن الواحد ميجا؟ طبعآ لا  بل بالعكس مهما عملوا لن يأخذوا نصف حقهم لأنه فى واقع الأمر الواحد ميجا بتوصل لهم من الشركه 512 مايعنى نصف حقهم
رابعآ : العيب فى الشركات وليس فى الشبكات لأن المشتركين بيزيد عددهم والشركات لاتقوم بتزويد كمية البندويديث لكل سنترال بما يكافىء عدد مشتركيهم لكن الشركات بشكل أو بأخر خدعة وزير الأتصالات ولم يعترفوا بأن المشكله منبعها جشعهم وعدم أدارتهم الجيده وأنهم يبخلوا بزيادة البندويديث للسنترالات بما يكفىء العدد الذى كان يتزايد لمشتركيهم خدعوه فقالوا المشكله من الشبكات وهو كلام ساذج غير واقعى وغير علمى ويمكن أن يسألوا أى بروفايدر من أى دوله طالما لايوجد بينهم من يفهم أو يعقل
خامسآ : أن لم تتم عمل غرفة عمليات فوريه كا التى تم عملها مع قطع الكبلات البحريه مرارآ وتكرارآ ستكون هناك كارثه حقيقيه على الشركات حيث قرر كل المشتركين عدم الدفع لتجديد الخدمه ومنهم من سيقوم بتوقيف الخدمه بشكل مؤقت شهر أو شهرين مبدئيآ حتى يتم التراجع عن القرار فإن لم يتم التراجع سيتم ألغاء الخدمه نهائيآ أو النزول بها الى أقل أشتراك وأحسبوا خسائر الشركات هتكون بالملاين فى وقت أى شركه فى أحتياج للملاليم

يعنى معدش فيه نت غير محدود يعنى العقد اللى معايا ده ابله واشرب ميته محنا بتحكمنا حكومه مبتحترمش غير عقودها وعهدوها من اسرئيل يابشمهندس وليد لوسمحت احنا بننتظر منكم دور اكبر من كده يعنى شركة جلاكسو اتعامل معاها ناس كتير الكل بيثق فيكم عايزين موقع برعايتكم لمواجهة الفساد الكوارث اللى بتحصل كل يوم دى مينفعش معها موضوع دى محتاجه موقع مخصوص وانتو الوحدين اللى هتقدرو تحموا الموقع ده وتحمو الاعضاء اللى هتبقى فيه يعنى معلش لو حد عادى اللى فتح الموقع ده انا مش هشترك فيه لانه ممكن يتقفل لكن انتو هتقدرو تحموه ونتنفس فيه وناقش البلاوى اللى بتحصل كل ساعه دى  مش احسن الفيس بوك والفيس زفت احنا هنفضل عايشين لجئه عند الاجانب ونبى يابشمهندس كلم الاداره علشان خاطر ربنا اعتبروه سبيل زكاه مع ان لوفكرنا نلقيها واجب وانا هنزل السرعه من 1024 ل 512 ويمكن انزلها للمحدود ابو 45 جنيه المحدود بقت محصله بعضها نقضيها تصفح ومشاركات كفايه ونخرب بيتهم

انا متابع الموضوع على مواقع كتير من قبل حتى مايتنشر هنا
لكن الحقيقه هنا لقيت حلول عبقريه ممكن تتنفذ عشان صعب افصل النت نهائى زى ماالمواقع التانيه بتقول لكن ممكن انزل السرعه وممكن افصلها فى حاله واحده اجيب كرت فاكس وادخل ساعه كل يوم ديل اب لكن الاحسن انزلها لاشنراك 45 شهر شهرين مش هتفرق معايا لحد مانشوف اخرتهم والبنر خلاص حطيته على موقعى
يامستر وليد ابو الفضل بيتكلم صح

الف الف شكر ياماركو بس والله الفكره لها اساس لواى حد تانى عمل الموقع ده هنخاف منه لان منعرفوش عدو ولا حبيب وانت فاهم انا اقصد ايه لكن هنا احنا عارفينهم ودى شركه جامده تقدر تحمى الموقع واعضاءه بس ياريت الموضوع ميبقش لسه فيه دراسه وروتين

أشكر كل من تفاعل بإيجابيه
الأستاذ أبو الفضل
سيتم عرض الموضوع على الأداره لدراسته بأمر الله
ولاتغضب من الدراسه لأننا هنا بسبب قرار تم أتخاذه بدون دارسه وأدارتنا لاتتأخر عن أتخاذ أى خطوه تراها مناسبه

أتمنى الرجوع لمناقشة القرار الفاشل الخاص بتحجيم الدونلود

والله العظيم شرف ليا ان ترد عليا يابشمهندس وليد انت متعرفش انا سعيد اد ايه وحاضر نرجع نناقش موضوع القرار الفاشل بتحجم الدونلود بس اناقش فيه ايه تانى ؟ ماانا قلت هعمل تخفيض للسرعه ولو هما رجعوا عن القرار والله ماهيستكوا هبفكرو ازى يقرفونا فى عشتنا بقرار تانى ولامرجعوش عن القرار واحنا سكتنا هيطلعوا برده قرار تانى يقللوا فيه اللى حددوه قبل كده دول ناس بيخدو مرتبات علشان يطلعوا قرارت هبله كل قرار هتفتحوا له موضوع وكل موقع فاتح موضوع وكل ادارة موقع كاتبه الموضوع بالطريقه اللى تتناسب مع عقله وثقافته فيه مواقع كتير كاتبن نقاطع الانترنت يوم هههههههه حاجه تضحك ولما نقاطع الانترنت يوم ومندخلش عليه هيأثر على الحكومه فى ايه لكن هنا الموضوع تحس انه مدروس والخطوات اللى طرحتوها ممكن ننفذها وتجيب نتيجه لكن كام واحد شاف الموضوع هنا؟؟؟ لكن لم يبقى فيه موقع متخصص مع الوقت هنلم بعضنا عليه ويبقى الكلمه فيه مسموعه والتنفيذ جماعى والموضوع مخلصش عالنت فى بلاوى كل ساعه القمح المسرطن والسمك المسمم والتيفود ورجال الاعمال اللى سرقوا فلوس البلد واتسعروا على نسوان لبنان وبيدفعوا الفلوس اللى سرقوها اما فى القتل او الجواز دا غير انفلونزا الطيور والخنازير حسس ان الدنيا بتدمر حوليا وحجات كتير مش فاهمها عايزين نتلم فى موقع مضمون ونكون مسنود منكم قبل مطق وموت

ابوالفضل ياجميل والله انته وفكرتك واللى يقول غير كده يبقى
توكلنا على الله من 512 لل 45 جنيه وكلمت اللى اعرفهم واقنعتهم بفكرة التخفيض

قرار بتحجيم الدونلود فى مصر

تقرر بكل شركات الأنترنت فى مصر تحجيم وتحديد الدونلود على النحو الموضح

 
 
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
 
كدة حرام
خلاص  512  512
 
طبعا قليل أوى لو حد حمل  25 جيجا فى الشهر
هما أكيد بيحسبوها بالعقل
 
هههههههههههههههههههههههههههه