حسِيتْ إِنْ لِيَّا وجُودْ ...
أنا اللحَظَة اللى هاتعِشهَا
وأنا الحِلم اللى مِستَنيِة
أنا الدُنيا اللى هَاتشُوفهَا
وأنا بُكرَة اللى هَتعِيش لِيه
أنا طيفك فى كل مكان
أنا الذِكرَى اللى مِش هَاتمُوت
أنا العُمر اللى عَدا وكَان
وأنا العُمر اللى بُكرة يِفُوت
أنا جِدِيدَك وأنا قَدِيمَك
وانا شمسك وأنا غِيمَك
أنا نهارك أنا لِيلَك
أنا قَمَرك بـِ لَيَالِيه السُود
أنا حيطانك وانا جيرانك
وأنا كِلمة على لَسانَك
وانا الشِعر اللى مَكتُوبلَك
وانا الغِنوَة اللى مِن قَلبَك
أنا الحُب اللى مِش مَقصُود
أنا صَبرَك ...
أنا حِلوَك ...
أنا مُرَك ...
بِكِلمة سِمعتَها مِنك
عِرفت أنَسى عِرفت أعشَق
عِرفت المَعنى دِلوقتى ....
وحَسِيت إن لِيَا وجُود
قصيده ليا وجود
من ديوان روبابكية انسان
2013
تاليفى
